Cash remittances sa mga OFW, mikabat sa $3.24 bilyon niadtong bulan Hulyo

Mikabat sa 3.24 bilyong dolyar ang cash remittances o ang padala nga kwarta sa mga Overseas Filipino Workers (OFWs) niadtong Hulyo 2026. Mas taas kini og 1.9 porsyento kumpara sa 3.18 bilyong dolyar nga natala sa samang bulan niadtong 2025.

Nagpabiling Estados Unidos ang nag-unang tinubdan sa mga padalang kwarta sa mga Pilipinong anaa sa gawas sa nasud, diin gisundan sa Singapore ug Saudi Arabia base sa opisyal nga mga transaksiyon sa remittance.

Misaka usab ang personal remittances nga gi-adjust sumala sa seasonal nga pag-usab, nga naglakip sa kwarta nga gipadala pinaagi sa mga bangko, informal channels ug remittance in kind o mga gipadalang kargamento.