Nagpasidaan ang Bangko Sentral ng Pilipinas (BSP) sa tanang BSP-Supervised Financial Institutions (BSFIs) nga palig-unon ang mga pamaagi batok sa money laundering, terrorism financing, ug proliferation financing kalabot sa mga kleyente nga nalambigit sa casino junket operations (CJO).
Ang CJOs usa ka kompanya o indibidwal nga nagmonitor sa mga serbisyo nga may kalabotan sa sugal para sa mga high-value patron, lakip na ang pag-asikaso sa pagbiyahe, pagpahulam og kredito, ug pag-book og mga gaming room.
Pinaagi sa gipagawas nga guidance paper nga giulohan og “Risk Management Practices for Customers Engaged in Casino Junket Operations”, naglatid ang BSP og mga giya aron malikayan ang paggamit sa BSFIs isip agianan sa mga ilegal nga kalihukan sama sa money laundering ug terrorism financing.
Uban sa mga gitudlo nga red flag mao ang dili ordinaryong lihok sa kwarta, komplikadong ownership structure sa mga corporate client, ug layered transactions. Gituki sa BSP nga ang mga transaksyon nga may kalabotan sa CJOs adunay taas nga risgo nga magamit sa money laundering.