Bea Alonzo, personal nga nag-atiman sa preparasyon sa iyang kasal kang Vincent Co 

Gipili ni Bea Alonzo ang simple ug personal nga selebrasyon sa iyang kasal uban sa bilyonaryong negosyanteng Vincent Co sa Makati City Hall.

Imbes nga mokuha og glam team, siya mismo ang nag-makeup sa iyang kaugalingon, nga matud pa niya mas naghatag og personal nga kahulogan sa ilang espesyal nga adlaw.

Wala usab sila mokuha og wedding photographer kay ang iyang higala ug business partner maoy nagkuha sa ilang mga litrato nga iyang gipaambit sa social media.

Lahi kini sa ilang naunang plano nga magpakasal sa Spain, diin nakalupad na unta ang ilang glam team ug photo/video crew sa wala madayon nga kasal.

Kini nagpasabot usab nga dako ang ilang natipid sa usa sa pinakadakong gastohan sa mga celebrity kung adunay kasal.