Nagtigom ang kapin sa 600 ka musikero sa Queensland, Australia aron dungan nga motukar og trombone ug mosulay sa pagtakda og bag-ong Guinness World Record alang sa pinakadakong trombone ensemble sa kalibotan.
Gipahigayon ang maong pagsulay isip kabahin sa SPARK Ipswich Arts Festival, diin dungan nga gitukar sa mga partisipante ang awit nga “76 Trombones” gikan sa musical nga The Music Man.
Lakip sa mga nitambong ang mga estudyante, mga miyembro sa banda, ug mga orkestra gikan sa nagkadaiyang bahin sa Queensland ug ubang lugar sa Australia.
Sumala kang Ipswich Mayor Teresa Harding, isumite na sa Guinness World Records ang tanang ebidensya gikan sa maong pagsulay alang sa opisyal nga beripikasyon.
Kon mapamatud-an, malabwan niini ang kasamtangang rekord nga 368 ka trombone players nga natala sa Washington, D.C. niadtong 2012.