Gi-postpone sa Quezon City Regional Trial Court Branch 98 ang gikatakdang arraignment ni Bise Presidente Sara Duterte karong adlawa sa tulo ka kaso sa grave threats batok kang Presidente Ferdinand “Bongbong” Marcos Jr., First Lady Liza Araneta-Marcos, ug kanhi House Speaker Martin Romualdez.
Matud sa iyang legal counsel nga si Atty. Paul Lawrence Lim, may kalabotan kini sa mosyon sa ilang kampo ug sa mga petisyon nga pending sa Korte Suprema.
Human sa pag-postpone sa arraignment, mipahayag si Bise Presidente Sara Duterte sa iyang pag-ila sa suporta sa publiko.
Gipasalamatan usab niini ang media, lakip ang Bombo Radyo Philippines, nga pinaagi sa mga lente ug mikropono nakahatag kaniya og tingog.
Gisugat sa kusog nga singgit og suporta ang bise presidente atol sa iyang paggawas sa korte, nga nagpakita sa padayong pagbarog sa iyang mga taga suporta.