Gisuportahan ni Atty. Eddie Cuaresma, eksperto sa balaod, ang pagdili sa political dynasty sa ika-upat nga civil degree aron mapugngan ang balik-balik nga pagpangurakot ug masiguro ang merit-based leadership sa Bukidnon.
Matud ni Cuaresma, grabe na ang korapsyon sa gobyerno tungod sa mga pamilya nga sige og balik-balik sa gahum. Ang pagpatuman sa anti-political dynasty law maghatag og higayon sa kwalipikado nga lider ug malikayan nga ang politika mahimong exclusive sa pipila ka pamilya. Giingon usab niya nga ang demokrasya gihimo aron protektahan ang mga mahuyang ug marginalized, dili lang ang political elite.
Gilauman nga ang suporta sa publiko sa pagdili sa political dynasty makatabang sa tinuod nga demokrasya ug maayo nga pagdumala sa nasud.