Paghisgot sa posibleng mopuli kang VP Sara, sayo pa sumala sa palasyo 

Giingong sayo pa ang paghisgot sa posibleng mopuli kang Bise Presidente Sara Duterte samtang wala pa mahuman ang impeachment trial batok kaniya sa Senado.

Matud ka Castro, angay respetuhon ang opisina sa bise presidente ug tugotan nga molihok ang hustong proseso, subay usab sa gitinguha sa pangulo nga masunod ang due process.

Dugang pa sa opisyal, dili angay unhan ang resulta sa impeachment trial pinaagi sa paghisgot dayon kon kinsa ang mopuli sa posisyon ni Duterte.

Gisaway usab sa opisyal ang pahayag ni Senador Alan Cayetano nga angay balibaran sa tanang senador ang maong tanyag tungod sa posibleng conflict of interest.

Matud niya, walay katungod si Cayetano nga magbuot sa desisyon sa ubang senador o manguna sa gusto sa pangulo.