Human nadeklarar nga adunay igong basehan ang duha ka impeachment complaints batok kang Vice President Sara Duterte, sugdan na sa House Committee on Justice ang pagdungog niini karong Miyerkules, Marso 25.
Gipasabot ni Batangas Rep. Gerville “Jinky Bitrics” Luistro nga ang hearing sa House Committee on Justice nga nakatakda, diin gi-isip lamang nga preliminary investigation ug dili pa kini pormal nga trial sa impeachment complaint batok kang Bise Presidente Sara Duterte.
Tungod niini, limitado ang partisipasyon sa mga abogado ug sa ubang mga mambabalaod nga dili miyembro sa komite sa pagsusi sa mga testigo.
Sumala ni Luistro, ang mga miyembro lamang sa House Committee on Justice ang adunay katungod sa direct ug cross-examination sumala sa mga patakaran sa 20th Congress.
Ang mga abogado sa duha ka kampo magsilbi lamang nga mga adviser sa ilang mga kliyente, samtang ang ubang mambabalaod nga dili miyembro, sama ni Rep. Rodante Marcoleta, makahatag lamang og “manifestation” ug dili makapangutana sa mga testigo.
Gipasanot usab nga ang Kamarabaha naglihok isip prosecutor sa maong yugto, aron susihon kung aduna bay “probable cause” nga makapadayon ang kaso.
Kung mapamatud-an ang basehan, i-endorso kini sa plenaryo, ug kinahanglan ang boto sa 1/3 sa mga miyembro sa Kamara aron mapadala ang Articles of Impeachment sa Senado para sa pormal nga trial.