Gipahayag ni Philippine Coast Guard (PCG) spokesperson Commodore Jay Tarriela ang iyang pagkadismaya sa mga pahayag ni Senator Rodante Marcoleta, nga alang niya gikaminusan ang posisyon sa Pilipinas sa West Philippine Sea (WPS).
Matud ni Tarriela, isip Pilipino, makadismaya ug nakapungot nga adunay usa ka elected member sa Senado ug Kongreso nga giisip wala’y bili ang atong posisyon sa WPS.
Ang reaksyon ni Tarriela misunod sa suhestiyon ni Marcoleta nga mahimong ihatag sa Pilipinas ang Kalayaan Island Group (KIG) gumikan ang pipila ka bahin niini lapas sa atong exclusive economic zone (EEZ).
Sumala usab ni Marcoleta nga “deliberately abbreviated” ang konteksto sa iyang pahayag.
Para kang Tarriela, klaro ang mensahe sa senador, nga imbis nga kontrahon ang iligal ug agresibong lihok sa China, nabutang hinoon kini nga miuyon sa interes sa People’s Republic of China ug gi-undermine ang posisyon sa PCG.
Giimbitahan usab ni Tarriela si Marcoleta ug ang iyang anak nga moapil sa usa ka maritime domain awareness (MDA) flight sa KIG aron makita nila ang kabataan ug komunidad sa mga Pilipino sa Pag-Asa, ug masabtan ngano kini giprotektahan sa Armed Forces of the Philippines ug PCG.
Sumala ni Tarriela, wala pa’y koordinasyon ang kampo ni Marcoleta bahin sa maong imbitasyon