Gipadayag sa mga pamilya sa mga nangamatay sa protesta sa Iran nga nangayo matud pa og dakong kantidad sa kwarta ang mga Iran authorities isip baylo sa pagbalik sa mga patay nga lawas sa mga nakabsan sa kinabuhi nga mga protestante.
Ang mga patay’ng lawas matud pa sa mga protestante naka-hold sa mga punerarya ug ospital diin wala pa gigawas o gihatag ang mga patay’ng lawas ngadto sa mga pamilya hangtod nga dili makahatag sa maong kwarta.
Base sa usa ka pamilya sa Northern City sa Rasht, nagdemand og 700 million tomans ang security forces aron marelease ang mga patay’ng lawas nga anaa sa Poursina Hospital mortuary kauban ang laing 70 ka nangamatay nga protestante.
Samtang sa Tehran nga kapital sa Iran, usa ka pamilya sa Kurdish seasonal construction worker ang gipangayoan matud pa og 1 bilyon toman aron makuha ang patay’ng lawas sa protestante.
Apan tungod dili makaya ang gipangayo nga kwarta, napugos kining muhawa nga wala nakuha ang patay’ng lawas sa ilang kabanay.
Sa pagkakaron, adunay kinatibuk-ang 2,435 katao ang namatay sa kapin duha ka semana nga protesta sa Iran.