Nagpadayag og kabalaka ang Federation of Free Farmers (FFF) sa plano sa Philippine Rice Industry Stakeholders Movement (PRISM) nga mag-import og 100,000 metriko toneladang bugas gikan sa Estados Unidos tungod sa posibleng epekto niini sa presyo sa lokal nga humay.
Matud pederasyon, posibleng mosamot ang pag-ubos sa presyo sa lokal nga humay tungod sa dugang nga suplay sa imported nga bugas, ilabina nga panahon karon sa ting-ani sa nasud.
Dugang pa, kadaghanan sa mga miyembro sa PRISM mga negosyante sa industriya sa bugas, lakip ang mga importer ug rice miller nga adunay kaugalingong interes sa merkado.
Gikabalak-an usab sa grupo ang limitado nga ayuda sa gobyerno alang sa mga mag-uuma, nga mokabat lamang sa unom ka bilyong piso alang sa gibanabanang 300,000 ka benepisyaryo.
Tungod niini, nanawagan ang FFF nga palig-onon ang lokal nga produksyon ug tukmang panahon sa pag-import og bugas aron mapanalipdan ang kita sa mga mag-uuma, samtang masiguro ang makatarunganong presyo alang sa mga konsumidor.