Australia, gilamoy sa halapad nga bushfire uban ang grabe nga heatwave

Apektado ang kapin sa 300,000 ka ektarya nga bushland sa Victoria, Australia tungod sa halapad nga bushfire nga misamot pa tungod sa grabe nga heatwave, sumala sa mga awtoridad niadtong Sabado.

Sa New South Wales, pipila ka sunog duol sa utlanan sa Victoria anaa na sa emergency level, ang pinakataas nga alert level, samtang halos miabot sa 40 degrees Celsius ang temperatura, sumala sa Rural Fire Service.

Matud sa taho, kapin sa 130 ka istruktura ang naapektuhan, lakip na ang mga balay, ug mga 38,000 ka panimalay ug negosyo ang nawadan og kuryente tungod sa kadaot nga hinungdan sa bushfire.