Mipadayag ang United Nations High Commissioner for Human Rights Office sa kabalaka niini human sa pag-atake sa US sa Venezuela.
Matud ni Ravina Shamdasani, tigpamaba sa United Nations High Commissioner for Human Rights Office, nga klaro nga nakalapas sa batakang prinsipyo sa internasyonal nga balaod ang maong aksyon, diin gikaingong ang mga estado kinahanglan nga dili manghulga o mogamit og pwersa batok sa integridad sa teritoryo o political independence sa bisan unsang estado.
Gipasiugda usab niini, nga kinahanglan nga magkahiusa ang international community sa maong tinguha.
Sigon ni Shamdasani, nga ang maong panghitabo naghatag og signal nga ang gamhanan mamahimong mabuhat ang tanan niining gusto.
Gidugang pa niini, nga kinahanglan nga ang kaugmaon sa Venezuela matino pinaagi lamang sa mga katawhan niini.