Giklaro sa gobyerno sa India nga usa ka terror incident ang nahitabong pagbusikad sa usa ka sakyanan duol sa Red Fort sa Delhi, India.Base sa imbestigasyon sa Delhi Police, nahitabo ang pagbusikad niadtong lunes dihang miundang ang usa ka sakyanan nga nagdagan.
Sa ulahing report, walo (8) ang kumpirmadong patay samtang baynte (20) ang naangol tungod sa pagbuto. Wala pa’y gitumbok nga suspetsado ang mga otoridad, apan sumala ni Prime Minister Narendra Modi, gihimo kini sa mga gitawag niyang anti national forces nga tuyong pagpanghadlok ug pagpahugaw sa kalinaw sa nasud.
Gikondena usab sa gobyerno ang maong insidente nga gitawag nilang usa ka mangilngig nga binuhatan sa mga terorista.Tungod sa panghitabo, gibutang sa high alert status ang Delhi ug ang mga kasikbit nga estado, lakip na ang Uttar Pradesh, aron mapalig-on ang seguridad ug madasig ang pagtubag sa emerhensiya.
Nagpahayag usab si Prime Minister Modi sa iyang pagkig-uban ug pahasubo sa mga pamilya sa mga biktima ug misaad nga mapanubag dayon ang mga responsable sa maong pagpamomba.