6 patay, 22 samaran sa stampede sa Military recruitment sa Ghana

Patay ang unom ka katao samtang 22 ang samaran, lima niini kritikal, human sa nahitabong stampede atol sa usa ka military recruitment event sa El-Wak Stadium sa Accra, Ghana.

Sumala sa Ghana Armed Forces, nagsugod ang kagubot tungod sa kalit nga pagsaka sa gidaghanon sa mga aplikante nga misalmot sa recruitment sa militar.

Wala nila damha nga molabaw sa gipaabot ang motambong tungod kay daghan sa mga kabatan onan ang gusto mahimong sundalo.

Gisundan kini sa pagtaas sa kaso sa kawad-on og trabaho sa nasud hinungdan nga daghang mga batan-on ang nagtinguha nga makasulod sa serbisyo militar.

Tungod sa insidente, gipalawig sa Ghana Armed Forces ang panahon sa recruitment aron malikayan ang susamang panghitabo sa umaabot.