Mipagula og executive order si US President Donald Trump aron tugotan ang pagtukod sa access road paingon sa Ambler mining district sa Alaska, aron mapalambo ang suplay sa copper ug ubang mineral nga gikinahanglan sa nasud.
Sumala sa White House, adunay $35.6 milyon nga investment sa kompanya nga Trilogy Metals sa Canada, usa sa posibleng magpalambo sa rehiyon.
Tungod niini, nahimong 10% shareholder ang gobyerno sa US sa kompanya, lakip usab sa katungod nga mopalit og dugang nga 7.5% nga bahin.
Matud sa Kaleb Froehlich, managing director sa Ambler Metals, joint venture tali Trilogy ug Australia’s South32 Limited, kini nga lakang usa ka mahinungdanon alang sa lokal nga pagpalambo sa industriya sa mineral, nga importante sa seguridad ug ekonomiya sa nasud.
Ang maong executive order ni Trump sukwahi sa desisyon sa administrasyon ni Biden kaniadtong 2024 nga mipahunong sa 211-milya (340-kilometro) nga dalan nga gimina tungod sa kabalaka sa posibleng kadaot sa populasyon sa caribou ug isda nga gigikanan sa pagkaon sa daghang native communities.
Apan matud n Trump, kini usa ka butang nga angay nga gitugotan gumikan kini posibleng makahatag og billion dollars nga kwarta alang sa nasud ug makasuplay ug daghang enerhiya ug minerals.
Samtang, sumala ni Athan Manuel, director sa Sierra Club’s lands protection program, usa ka environmental group, ang kalamboan sa rehiyon makadaot sa putli nga kinaiyahan nga nagsuporta sa mga tribo ug ihalas nga kinabuhi.
Gipadayag usab sa grupo nga ang mga komunidad nga naapektuhan sa ruta sa proyekto nagpakita og klarong pagsupak sa maong kalihukan, apan wala kini hatagi og pagtagad.