14 patay atol sa grabeng pagbaha sa Bali, Indonesia

Labing menos 14 ka mga tao ang nakabsan sa kinabuhi sa grabeng pagbaha sa Bali, Indonesia.

Gitawag kini sa mga opisyal isip labing grabe nga pagbaha nga ilang nasinati sulod sa pipila ka mga dekada.

Sukad kaniadtong Martes, daghang mga residente ang namakwit tungod sa walay hunong nga pagbunok sa ulan.

Daghang dagkong karsada usab ang gisirad-an tungod sa pagdahili sa yuta nga nakaguba usab sa duha ka tulay.

Gipadayag usab ni Presidente Prabowo Subianto ang iyang pagsubo ngadto sa mga biktima ug mipasalig kanila sa tabang gikan sa gobyerno.