Wala nay kinabuhing nakaplagan ang usa ka Laborer diin gikaingong problema sa pamilya ang hinungdan.Sumala pa sa Taho gikan sa Malaybalay City Police Station ang biktima giila sa Alyas Alvin lumad sa Bayugan City, Agusan del Sur ug temporaryong nagpuyo sa Purok-3 Binalbagan Brgy. Simaya,Malaybalay City.
Nakaplagan kini nga patay na pasado alas 4:00 sa kadlawon kagahapong adlawa. Sumala sa kasayuran gikan sa iyang kauban sa trabaho nga si Alyas Romnick, nakig-estorya pa kaniya si Alvin milabay nga gabie ug ginasultihan kini nga masulbad ra ang mga problema nga iyang ginasagubang.
Matud pa ni Romnick, sa dihang nimata kini sa kadlawon aron mangihi iya na lamang nasayran nga naghunos na kini sa iyang kinabuhi. Nasayod na ang pamilya sa biktima ug anaa na karon sa punerarya ang iyang lawas samtang ginahulat ang dugang legal nga proseso ug imbestigasyon.