Patay ang usa ka pulis ug upat ka sibilyan human nag ma-oy ang usa ka lalaki gamit ang AR-style nga pusil sa Midtown Manhattan, New York, diin kapin usa ka dosena ang nataho nga nasamdan.
Nahitabo ang pagpamusil sa usa ka building sa Midtown Manhattan nga temporaryong gipuy-an sa dagkong opisyal sa mga financial firms niadtong Lunes sa gabii (oras sa Amerika).
Sumala sa taho, nagsul-ob og bulletproof vest ang suspetsado ug misulod sa building nga nahimutang sa 345 Park Avenue sa wala pa kini “na-neutralize” sa mga awtoridad.
Gikumpirma sa kapulisan nga ang suspek usa ka 27-anyos nga lalaki nga taga-Las Vegas.
Nakit-an na lang kini nga patay sulod sa building human kini nagpakamatay, matod sa mga otoridad.
Gikompirma ni Mayor Eric Adams nga daghan ang nasamdan sa hitabo, samtang ang New York Police District Commissioner nagkanayon nga kontrolado na ang kahimtang.
Mitabang na usab nga gihatag ang FBI samtang nagpadayon pa ang imbestigasyon sa insidente nga hangtod karon wala pa’y klarong motibo.