Misulod isip tigpatunga ang Presidente sa US nga si Donald Trump aron mapadali ang panaghisgot sa nasud Thailand ug Cambodia kabahin sa ceasefire deal.
Matud ni US President Donald Trump, niadtong Sabado nga misugot ang mga lider sa Thailand ug Cambodia alang sa dinaliang panaghisgot alang sa ceasefire.
Gikaingong gitinguha ni UMP nga paghusay sa kalinaw human sa tulo ka adlaw nga panagbangi sa utlanan sa duha ka nasud.
Gipasalamatan sa acting Prime Minister sa Thailand nga si Phumtham Wechayachai si US President Donald Trump.
Miluwat usab kini nga suportado niini ang ideya sa ceasefire talks apan gikaingong gusto usab nilang mabati ang sinsero nga intensyon gikan sa Cambodia.
Nagtubag si Phumtham sa mga post ni Trump sa social media samtang nagbisita siya sa Scotland.
Gibutyag ni Trump nga nakig-istorya siya kang Cambodian Prime Minister Hun Manet ug Phumtham, ug gipahimangnoan nga dili siya mohimo og trade deals kung magpadayon ang panagbangi sa utlanan sa duha ka nasud.
Gihangyo usab ni Phumtham si Trump, nga ipaabot sa Cambodia nga gusto sa Thailand ang labing dali na panahon sa bilateral dialogue aron makab-ot ang ceasefire ug maluntaron nga resolusyon sa maong panagbangi.