Tanan mata nakatutok dili lang sa boxing ring kundi lakip na usab matud pa kang Jinkee Pacquiao, asawa sa boxing legend nga si Manny “Pacman” Pacquiao, atol sa mainiton nga away niini batok kang Mario Barrios niadtong milabayng Domingo.
Sa dihang misulod siya sa venue, nagbaga ang entablado sa glamor, gikan sa iyang designer outfit, high-end accessories, hangtod sa flawless makeup nga pwede na matud pa irampa sa red carpet!
Dili mapugngan ang pagdayeg sa mga netizens ug fans niini sa social media gumikan sa iyang elegance, lakip na ang mga komento nga murag pang-Met Gala ang peg niini.
Bisan pa sa tensyon sa duwa sa MGM Grand Garden Arena sa Las Vegas ni Pacquiao, si Jinkee nagpabiling composed ug supportive, nga makita sa iyang sweet nga mga cheer alang sa iyang bana.
Matud pa sa ubang tagasuporta niini, sigurado dili lang si Pacquiao ang bida sa gabii, apan nagsidlak usab si Jinkee sa iyang kaugalingong paagi.