Nasikop sa mga otoridad sa Thailand ang usa ka babaye human masayri nga sikretong nagrekord siya og mga hulagway ug video sa iyang pakighilawas sa mga monghe aron makakwarta.
Giila ang suspetsado nga si “Ms. Golf,” nga naggamit sa maong mga video aron pahimuslan ug e-blackmail ang siyam ka monghe nga nalambigit sa maong kalihokan.
Sumala sa kapulisan, gibanabana nga nakatigom siya og 385 milyones ka baht sulod sa tulo ka tuig pinaagi sa pagpanghadlok sa mga monghe gamit ang mga sensitibong video.
Sa iyang panimalay, narekober sa mga otoridad ang kapin 80,000 ka litrato ug video nga giingong gigamit sa pagpamugos ug pagpangilad sa mga monghe.
Kini nga rason sa dali nga pag-aresto kaniya.
Ang monghe usa ka lalaki nga miyembro sa relihiyosong grupo nga nagpuyo og yano ug disiplinadong kinabuhi, nga adunay panaad nga magpuyo sa pagkabungtong, ug musunod sa balaod ug pamalaod sa iyang espiritwal nga komunidad.