Gibutyag nga ang mga bukog nga narekober sa Taal Lake giingong naglangkob og bukog sa tawo ug hayop.
Gumikan niini, kinahanglan nga ipaagi kini sa proseso sa differentiation aron masiguro kung unsa sa mga bukog ang gikan sa tawo sa wala pa kini gipailawom sa DNA crossmatching, sigon sa hepe sa Philippine National Police (PNP), nga si Gen. Nicolas Torre lll.
Nagpukaw kini og daghang interes human makita sa lugar nga gituhuan nga may kalambigitan sa krimen o insidente nga nanginahanglan og imbestigasyon.
Ang pag-differentiate o pagbulag sa bukog sa tawo ug hayop usa ka importante nga lakang aron malikayan ang sayop sa DNA testing ug para masiguro nga ang resulta sa DNA crossmatching husto ug kasaligan.
Pinaagi sa forensic experts, gigamit ang mga siyentipikong giya sama sa osteological analysis (pagtuon sa bukog) aron maila kung unsang klase sa bukog kini ug kung unsa nga espesye kini gikan.
Kung makumpirma nga tinuod kini nga bukog sa tawo, mao kini ang higayon sa pagbuhat og DNA crossmatching gamit ang samples gikan sa mga missing persons o ilang mga paryente.
Sumala sa PNP, kabahin kini sa mas lapad nga imbestigasyon ug ilang giingon nga ilang gipatuman ang tanang lakang aron masuta ang kamatuoran ug matabangan ang mga pamilya nga nangita pa sa ilang mga mahal sa kinabuhi.