Utang sa nasud, misaka sa 66.9 porsiyento sa GDP; pinakataas sulod sa 22 ka tuig

Misaka sa 66.9 porsiyento ang utang sa nasud kon itandi sa Gross Domestic Product (GDP) hangtod sa kataposan sa Septyembre 2026, ang pinakataas nga lebel sulod sa 22 ka tuig, taliwala sa nagkahinay nga pagtubo sa ekonomiya sa Pilipinas. Base sa datos sa Bureau of the Treasury (BTr), mikabat na sa ₱19.66 trilyon ang kinatibuk-ang utang sa nasud, gikan sa ₱19.07 trilyon niadtong Hunyo ug ₱17.71 trilyon sa kataposan sa 2025. Samtang, mikunhod sa 2.1 porsiyento ang pagtubo sa ekonomiya sa ikatulong kwarter gikan sa 2.4 porsiyento sa miaging kwarter. Gipasidaan sa mga ekonomista nga mahimong mas mogamay ang pondo sa gobyerno alang sa mga serbisyo publiko ug uban pang programa kon magpadayon ang pagsaka sa utang ug paghinay sa ekonomiya. Lakip sa gisugyot nga lakang ang pagpalig-on sa pagtubo sa ekonomiya, pagpaayo sa pagkolekta sa buhis ug pagsiguro nga magamit sa mapuslanong proyekto ang mga gihulam nga kuwarta.