Gipatin-aw sa kampo ni Vice President Sara Duterte nga sayo pa aron hisgutan kung personal ba siyang mosaksi sa impeachment trial nga iyang giatubang, samtang nagpadayon ang presentasyon sa mga ebidensya sa depensa sa Senado.
Matod ni Defense Spokesperson Attorney Michael Poa, magpabilin ang ilang gibanabanang 30 ka adlaw nga panahon aron ipresentar ang mga testigo ug pamatud-an nga walay iregularidad sa pagdeklarar ug pagproseso sa mga dokumento kalabot sa bahandi sa Bise Presidente. Nagsumite na usab sila og hangyo alang sa subpoena sa kapin 20 ka testigo.
Sa laing bahin, gipasiugda ni House Lead Prosecutor Representative Gerville Luistro nga si Duterte mismo ang angay mosaksi aron direktang matubag ang mga alegasyon sa unexplained wealth, deklarasyon sa SALN ug pag-divest sa iyang negosyo.