Gikuwestiyon sa mga senador ang kredibilidad sa unang testigo sa depensa ni Vice President Sara Duterte human mapakyas si Davao City Assessor Engineer Jaime Adalin sa paghatag og klarong tubag kalabot sa deklarasyon sa mga kabtangan sa Bise Presidente atol sa impeachment trial niadtong Nobyembre 9.
Sa pagpangutana ni Senator Judge Bam Aquino, miangkon si Adalin nga wala niya masusi ang tanang kabtangan ni Duterte sa Barangay 74-A, Davao City, ug ang espesipikong titulo lamang nga nagtapos sa 0775 ang iyang gisusi aron matino kung nalakip kini sa SALN sa Bise Presidente.
Gikuwestiyon usab ni Senator Judge Raffy Tulfo ang iyang pahayag nga commercial ang maong propiedad apan gigamit isip residential, samtang gipahimangnoan ni Senator Judge Erwin Tulfo ang testigo nga mahimo siyang i-cite in contempt tungod sa paglikay sa direktang pagtubag sa mga pangutana, ilabina kay nakapanumpa siya sa korte.