Magdeploy ang kagamhanan sa France og 70,000 ka pulis sa tibuok nasud isip pagpangandam sa gipaabot nga mga protestang-kalihukan karong Sabado, Oktubre 31, nga motakdo sa Halloween.
Matud ni Interior Minister Laurent Nunez, pakusgan ang seguridad pinaagi sa paggamit sa armored vehicles ug water cannons aron mapugngan ang posibleng kagubot.
Nahitabo kini human sa nangaging mga protesta batok sa pagsaka sa presyo sa mga palaliton ug gasto sa panginabuhi, nga miresulta sa pagpangawat ug kagubot sa nagkadaiyang lugar.
Kahinumduman nga miabot sa 2,700 ka tawo ang gidakop atol sa miaging mga demonstrasyon.
Gitugotan ang mga protesta apan gidili kini sa mga sentro sa siyudad. Samtang, nagplano ang Yellow Vest Movement sa ilang ikatulong protesta karong Halloween sa National Assembly ug sa tanang city hall sa nasud.