Walay nakitang problema ang Malacañang sa pag-ilis sa puwesto nila ni Secretary Vince Dizon sa Department of Transportation (DOTr) ug Secretary Giovanni “Bannoy” Lopez sa Department of Public Works and Highways (DPWH), bisan pa sa nagpadayong paghisgot sa 2027 national budget.
Matud ni Presidential Communications Office Secretary Lino Cayetano, magtinabangay ang mga ahensiya aron masiguro ang hapsay nga pagbalhin sa pagpangulo ug ang pagpadayon sa mga programa alang sa katawhan.
Gipatin-aw ni Cayetano nga kasinatian ug abilidad sa duha ka kalihim ang gikonsiderar ni Presidente Ferdinand Marcos Jr. sa pagdesisyon sa pagbalhin sa ilang puwesto.
Gidugang sa kalihim nga ang pagbalhin ni Dizon sa DOTr nagtumong sa pagpagaan sa kahimtang sa mga biyahero, samtang gilauman nga ipadayon ni Lopez ang mga reporma sa DPWH.