Nanawagan ang People’s Budget Coalition sa Senado ug sa administrasyong Marcos nga repormahon ang 2027 national budget nga nagkantidad og 7.2 trilyong piso, tungod sa giingong dako nga pondo nga mahimong magamit sa politikanhong patronage imbes nga direktang makatubag sa panginahanglan sa katawhan.
Matud ni AJ Montesa, co-convenor sa grupo, mikabat sa 210 bilyong piso ang soft pork, 695 bilyong piso ang hard pork ug 112 bilyong piso ang shadow pork o unprogrammed appropriations.
Gipangayo usab sa grupo ang pagtangtang sa sistema sa guarantee ug referral letters gikan sa mga politiko alang sa ayuda, ug ang pagbutang sa maong proseso ubos lamang sa mga ahensiya ug social services sa mga ospital.
Samtang, nanawagan si Kenneth Ibasco-Abante, co-convenor sa grupo, nga tangtangon sa national budget ang mga proyektong kulang sa klaro ug publikong dokumentasyon.