Kapitan sa MV June Aster, Gikasuhan matud pa sa Pagpameke sa dokumento

Gikasuhan sa Philippine Coast Guard ang kapitan sa MV June Aster nga si Roel Sarmiento tungod sa kasong falsification of public documents, may kalabotan sa insidente sa kadagatan sa Coron, Palawan.

Matud sa PCG, giingong adunay sayop nga deklarasyon sa gidaghanon sa mga sakay sa barko sa mga dokumentong gisumite sa kapitan sa wala pa mobiyahe.

Gisumite ang reklamo sa Department of Justice niadtong Septiyembre 23 ug susihon pa sa National Prosecution Service.

Padayon usab ang pagpangita sa walo ka missing samtang giandam ang salvage operation sa barko. Sa pinakabag-ong datos, 77 ang namatay ug 43 ang naluwas sa insidente.