US ug Iran, nagpadayon sa negosasyon pinaagi sa mga mediator

Gikumpirma ni US President Donald Trump nga nakigsulti na ang mga opisyal sa Estados Unidos sa mga tigpataliwala aron pangitaon ang paagi sa pagtapos sa pito na ka bulan nga panagbangi tali sa US ug Iran.

Gilauman nga sentro sa sunod nga mga panaghisgot ang sugyot sa Iran alang sa pito ka adlaw nga ceasefire, paghunong sa panagbangi, pagtangtang sa pipila ka sanctions ug blockade, ug pag-abli pag-usab sa Strait of Hormuz.

Isip kabaylo, andam ang Iran nga ipadayon ang negosasyon bahin sa nuclear program niini. Bisan pa sa pagpadayon sa negosasyon, wala pa nagkasabot ang duha ka nasod sa mga kondisyon sa usa ka posibleng hunong-buto.

Matud sa Iran, kinahanglan matuman una ang ilang mga kondisyon aron maablihan pag-usab ang Strait of Hormuz.