Nakatakdang ipagawas sa global pop superstar nga si Taylor Swift ang iyang bag-ong kanta nga giulohang “Patient Zero” ug ang iyang gipaabot nga deluxe album nga “The Life of a Showgirl: The Encore” karong Septiyembre 25.
Sumala sa gipagawas nga pahibalo sa mag-aawit sa iyang opisyal nga social media accounts, gilangkoban ang maong deluxe edition sa pipila ka bag-ong mga kanta nga gilaumang maghatag og bag-ong tuno ug kasinatian sa iyang milyon-milyong mga fans sa tibuok kalibutan.
Dungan niini, padayon usab nga nagpabilin ang pangalan sa singer sa mga nag-unang talaan sa musika samtang nag-ung-ong ang iyang mga nominasyon sa 2026 MTV Video Music Awards (VMAs), diin nakasulod ang iyang album nga “The Life of a Showgirl” alang sa prestihiyosong “Best Album.”