Pito ka mga miyembro sa usa ka lawless armed group ang namatay human mitungha ang engkuwentro tali sa mga pwersa sa gobyerno ug sa armadong grupo sa Tugunan, Cotabato City kagahapon.
Sumala sa mga awtoridad, nahitabo ang engkuwentro atol sa pagserbisyo sa warrant of arrest batok sa usa ka indibidwal nga giakusahan og carnapping with homicide.
Milungtad o mokabat usa ka oras ang pinusilay diin nangayo usab og air support ang mg pwersa sa gobyerno aron masubay ang direksyon sa mga miyembro sa grupo nga misulay og ikyas.
Tungod sa engkuwentro, 275 ka pamilya gikan sa duha ka barangay ang gipabalhin ngadto sa mas luwas nga lugar.
Wala ra matud pay gikataho nga sibilyan nga nasamdan o namatay.
Wala pa usab gipahibalo kung kanus-a tugotan ang mga evacuees nga makabalik sa ilang mga panimalay.