Landslide, miigo sa Mount Fuji human sa kusog nga ulan

Usa ka landslide ang mitumaw sa usa sa mga unang agianan paingon sa Mount Fuji sa Japan human sa kusog nga pag-ulan sa Shizuoka Prefecture.

Natabunan sa debris ang tulo ka sakyanan, apan walay gikatahoang nasamdan o namatay.

Tungod sa insidente, gisuspinde usab ang operasyon sa Fuji Subaru Line, usa sa mga importanteng dalan paingon sa bukid.

Sa laing insidente sa Kawanehon, Shizuoka, usa ka trabahante ang namatay human matabonan sa laing landslide.

Samtang 41 ang nasamdan tungod sa pagbaha sa Aichi ug Gifu, diin sa Nagoya mikabat sa rekord nga 104.5 milimetro ang ulan sulod lang sa usa ka oras.

Gipaabot nga magpadayon ang kusog nga ulan sa pipila ka bahin sa Japan.