Mikabat na sa 1,002 ka bata ang namatay tungod sa pinakagrabeng outbreak sa tigdas sa Bangladesh, samtang kapin 187,000 ang natakdan sa maong sakit.
Sumala sa US Centers for Disease Control and Prevention o CDC, ang Bangladesh karon ang adunay pinakadakong pagkaylap sa tigdas sa kalibotan.
Gituohang nakatampo sa krisis ang kakulangon sa bakuna tungod sa mga pagbag-o sa polisiya ug kagubot sa politika niadtong 2024 ug 2025.
Bisan pa nga 18 milyong bata ang nabakunahan atol sa emergency vaccination drive niadtong Abril, kapin upat ka milyon pa ang wala maabot.
Gipalisod usab ang sitwasyon sa mga ospital tungod sa dungan nga pagtaas sa mga kaso sa dengue.
Padayon ang mga health team sa pagpangita sa mga batang wala pa mabakunahi aron mapugngan ang dugang nga pagkamatay.