Nagpabilin ang presyo sa bugas taliwala sa pagsaka sa presyo sa gasolina karong semanaha, diin wala gilauman sa Department of Agriculture o DA nga mosaka kini sa kamerkaduhan.
Sumala sa DA, igo ug bastante ang suplay sa bugas sa nasud ug wala pay nakita nga nakaapekto sa presyo ang mga milabay’ng bagyo.
Base sa DA Bantay Presyo, ang premium local rice sa mga merkado sa National Capital Region o NCR anaa sa P45 hangtod P56 matag kilo, samtang ang regular-milled local rice anaa sa P41 hangtod P48 kada kilo.
Ang well-milled local rice usab anaa sa P40 hangtod P56 matag kilo. Sa kinatibuk-an, nagpabilin sa P48 hangtod P55 matag kilo ang presyo sa bugas sa merkado, sumala sa DA.
Bisan pa sa pagsaka sa presyo sa petrolyo, wala pa gilauman sa DA nga mosaka ang presyo sa bugas.