Nakumpleto na sa Gilas Pilipinas ang line-up sa ilang pakigsangka sa 20th Asian Games sa Aichi-Nagoya, Japan, human gipili ni head coach Tim Cone si Calvin Oftana isip kataposang miyembro sa grupo.
Si Oftana ang mipuli sa slot nga gitagana matud pa alang kang Justin Brownlee, nga padayong nagpaalim gikan sa injury.
Nakigbansay na usab si Oftana uban sa Gilas ug gisaligan ni coach Tim Cone nga dali makasunod si Oftana sa sistema tungod kay nakadula na kini sa ubang mga kampanya sa national team.
Si Oftana mao lamang ang miyembro sa kasamtangang Gilas line-up nga nakadaog og gold medal sa 2023 Asian Games sa Hangzhou, China.
Kauban niini sa Gilas sila Don Trollano, RJ Abarrientos, Justine Baltazar, Justin Arana, Jerrick Ahanmisi, Robert Bolick, Sedrick Barefield, Brandon Bates, Brandon Ganuelas-Rosser, Zavier Lucero ug Adrian Nocum.
Una nilang atubangon ang Bahrain sa Septiyembre 11.