Nahatagan og bag-ong paglaum ang mga rescue worker sa Nepal human milagrosong nakaluwas og upat ka mga survivor taliwala sa naguba nga tunnel ug mabagang lapok sa ika-12 nga adlaw sa search and rescue operations kasunod sa nakakalas nga pagbaha.
Lakip sa mga naluwas mao ang usa ka Tsino gikan sa sulod sa hydropower tunnel ug ang 64-anyos nga babaye nga nakuha gikan sa naputos sa lapok nga balay. Bisan pa sa maong maayong balita, nagpabilin nga dakong hagit sa operasyon ang bati nga panahon, pagkaguba sa mga tulay ug karsada, ug ang pagkaputol sa linya sa komunikasyon.
Sa kasamtangan, miabot na sa labing gamay 1,384 ka tawo ang nakabsan sa kinabuhi samtang kapin 5,500 ang nagpabilin nga wala pa nakit-an sa tibuok Nepal ug sa rehiyon sa Tibet tungod sa pagkahugno sa glacier. Gipahigayon na usab ang mass burial alang sa mga wala pa mailhing biktima human sila kuhaan og DNA samples, habig usab nga nagdeklarar ang nasod og adlaw sa pormal nga pagsubo o national mourning.