Trump, nagtuo nga dili magdugay ang panag-away sa US ug Iran

Nagtuo si US President Donald Trump nga dili magdugay ang bag-ong panag-away tali sa Estados Unidos ug Iran.

Matud ni Trump, kontrolado na sa US ang Strait of Hormuz ug padayon nilang gitabangan ang mga barko nga luwas nga makaagi niini.

Giingon usab niini nga natangtang na sa US ang mga mina nga gibutang sa Iran sa maong katubigan.

Gipasigarbo usab ni Trump nga nakabalos ang US sa pag-atake sa Iran batok sa mga base militar sa Amerika sa Jordan.

Mihitabo ang panibag-ong pag-atake human giingong gi-harass sa Iran ang mga barko nga nagbiyahe sa Strait of Hormuz.