Gihimo ang DNA testing sa Nepal aron mailhan ang mga biktima sa makalilisang nga pagbaha nga miigo sa nasod usa ka semana na ang milabay.
Naghatag og DNA samples ang mga paryente sa mga tawo nga gikataho nga nawala aron itandi kini sa genetic profiles sa mga nakuhang lawas.
Samtang, pipila ka pamilya ang nagpahigayon og symbolic funeral alang sa ilang mga minahal nga wala pa makita.
Base sa mga report, kapin 1,200 na ang namatay ug labaw 4,800 ang gikataho nga nawala human sa flash floods niadtong Agosto 26.
Nagsugod ang kalamidad human sa pagguho sa ice ug bato gikan sa glacier sa Himalayas, nga hinungdan sa kusog nga pag-agos sa tubig, lapok ug debris ngadto sa mga komunidad duol sa utlanan sa Nepal ug China.
Lakip sa grabeng naapektuhan ang Rasuwa district, diin nagpadayon ang search and rescue operations.
Padayon usab ang pagkolekta sa DNA samples aron mailhan ang mga biktima ug mauli sa ilang mga pamilya ang ilang mga patayng lawas.