Suportado sa Department of Budget and Management o DBM ang pag-livestream sa mga deliberasyon sa Bicameral Conference Committee o bicam alang sa gisugyot nga P7.2-trilyong nasudnong badyet alang sa 2027.
Matud ni Budget Acting Secretary Kim de Leon, adunay mga diskusyon kabahin sa posibilidad nga ablihan sa publiko ang mga deliberasyon sa bicam samtang nagpadayon ang proseso sa pag-apruba sa proposed national budget sa Kongreso.
Dugang pa ni de Leon nga giabi-abi ug gisuportahan sa DBM ang mga lakang aron mahimong mas bukas ug transparent ang proseso sa bicam.
Sumala pa ni de Leon, makatabang ang transparent nga deliberasyon sa badyet aron masabtan sa publiko kung giunsa paggasto ang kwarta sa mga taxpayer.
Makatabang usab kini sa pagpalig-on sa accountability ug pagsalig sa gobyerno.