Atty. Ferrer nanawagan og propesyonalismo human sa tensyon nila ni Kapunan sa impeachment trial

Nanawagan si Defense Counsel Atty. Kristine Ferrer sa Impeachment Court nga likayan ang mga side comments ug personal nga panaglalis tali sa mga abogado, human sa tensyon tali nila ni House Private Prosecutor Atty. Lorna Kapunan atol sa cross-examination sa COA witness nga si Xylene Del Campo.

Gihangyo ni Ferrer nga ipadayon ang propesyonalismo ug respeto sa matag kampo sulod sa courtroom.

Gipahinumdoman usab ni Presiding Officer Francis “Chiz” Escudero ang duha ka abogado nga likayan ang dugang nga tensyon, nga iyang gihulagway isip usa ka “generational divide.”

Samtang, gibawi ni Atty. Kapunan ang iyang mga naunang side comments ug misaad nga magpugong sa iyang kaugalingon ug magpadayon sa hustong pamatasan atol sa impeachment trial.