MALAYBALAY CITY, BUKIDNON — Gisugyot sa usa ka opisyal sa Malaybalay City nga kinahanglang adunay lig-on ug klarong legal nga basihan ang bisan unsang lakang sa pag-uswag o pag-oktaba sa Barangay ug Sangguniang Kabataan Elections (BSKE) nga gikatakda sa Nobyembre 2.
Sumala kay Barangay Kalasungay Kagawad Karl Marlone C. Manahan, dako ang bentaha sa pag-uswag sa eleksyon alang sa mga incumbent officials tungod kay mahatagan sila og dugang nga panahon sa pagtapos sa mga nasugdan nga proyekto ug sa pag-andam sa 2027 barangay budget.
Bisan pa man niini, gipahayag ni Manahan nga isip usa ka re-electionist, andam gihapon siyang makigsangka kon ipadayon ang eleksyon sa Nobyembre 2, tungod kay ang pagpili og mga lider nagpabilin nga batakang katungod sa katawhan.