Nabalik ang usa ka libro nga gihulam gikan sa usa ka pampublikong librarya sa Australia kapin 150 ka tuig na ang milabay, human kini nakit-an sulod sa usa ka karaang fireplace atol sa pag-renovate sa usa ka balay.
Sumala sa Kiama Library sa New South Wales, nakit-an sa usa ka pamilya ang libro nga gitago sulod sa usa ka tea desk nga nakapader sa fireplace sa ilang balay.
Gi-uli nila ang maong libro sa librarya niadtong miaging semana.
Ang libro nga adunay titulo nga The Antiquities of Athens gimantala niadtong 1858 ug nahimong kabahin sa koleksiyon sa Kiama Public Library sa dihang kini nagpahimutang pa sa kanhi Kiama School of Arts gikan sa 1872 hangtod 1890.
Wala na matino ang eksaktong petsa kung kanus-a kini gihulam, apan gibanabana nga kapin 150 ka tuig na ang milabay.
Kung ipatuman pa ang daang polisiya sa librarya, moabot unta sa 20,000 dolyar ang multa tungod sa sobrang kadugay nga wala kini mauli.