Mas taas nga buhis sa ilimnon, vape, ug plastic gitan-aw sa Department of Finance

Nagplano ang Department of Finance (DOF) nga patas-an ang buhis sa mga ilimnon nga adunay asukar (sweetened beverages), e-cigarettes o vape, ug mga single-use plastic sa nasod.

Gihimo ang maong sugyot aron mabawi ug mabalanse ang gilaumang pagkunhod sa koleksyon sa pondo sa gobyerno tungod sa gipatuman nga mga tax relief ug paglugak sa buhis sa ubang sektor.

Gawas sa pagpuno sa kaban sa nasod, gilauman usab nga ang maong lakang makatabang sa paglimita sa paggamit sa mga produktong makadaot sa panglawas sa publiko ug sa kalikopan.