Sa nagpadayong impeachment trial ni Vice President Sara Duterte, mitumaw ang giingong mga kakulangan sa liquidation sa confidential funds sa Office of the Vice President, human mitestigo si kanhing Commission on Audit Intelligence and Confidential Funds Audit Office o ICFAO auditor Atty. Roderick Wamil.
Gitin-aw ni Wamil nga strict compliance ang gikinahanglan sa COA sa pag-audit sa confidential ug intelligence funds, base sa Joint Circular No. 2015-01.
Gipunting usab sa testigo ang dili tukma sa period nga gilatid sa Physical and Financial Plan ug sa aktuwal nga pag-disburse sa cash advance.
Gibutyag usab ni Wamil nga adunay mga paggasto nga dili lakip sa ekslusibong gitugot nga paggamit sa confidential funds, lakip ang P40 milyon alang sa medical ug food assistance ug P10 milyon alang sa incentives ug travel expenses diin nakadawat usab si Mary Grace Piatos og P70,000 isip payment of reward (medicines).