Ihap sa Nangamatay sa “Twin Quake” sa Venezuela, Milapas na sa 4,700

Milapas na ngadto sa 4,700 ka tawo ang kinatibuk-ang ihap sa mga nakalas tungod sa magkasunod nga kusog nga linog o twin quake nga miigo sa nasod sa Venezuela niadtong Hunyo 24.

Sumala sa labing bag-ong datos nga gipaambit ni National Assembly chief Jorge Rodriguez, anaa usab sa halos 17,000 ka tawo ang nangaangol sa maong katalagman, apan kadaghanan kanila ang luwas na ug nakagawas na sa tambalanan. Sa pagkakaron, gibanabana sa United Nations (UN) nga duna pa’y moabot sa 50,000 ka mga indibidwal ang nagpabilin nga missing o nawala human sa kusog nga pagyanig.

Kahinumdoman nga nagbilin og dako nga kadaot ang maong kalamidad nga miresulta sa pagkahugno sa daghang mga edipisyo ug pagkalubong sa mga biktima ilawom sa mga nahugnong guho.