Gisulat sa Argentinian football star nga si Lionel Messi ang usa ka bag-ong kasaysayan human siya nahimong all-time leading goalscorer sa FIFA World Cup sa edad nga 38 anyos.
Nagawa ni Messi ang maong record human siya miposa og duha ka goal sa ilang 2-0 nga kadaogan batok sa Austria sa nagpadayong 2026 FIFA World Cup didto sa Arlington, Texas. Tungod niini, duna na siya’y kinatibuk-ang 18 ka World Cup goals, diin pormal niyang gibuak ang dugay nang record sa German striker nga si Miroslav Klose nga duna’y 16 ka goals.
Kini na ang ika-unom nga pagsalmot ni Messi sa maong prestihiyosong torneo. Bisan pa man og nasipyat siya sa penalty kick sa sayong bahin sa dula, dinalian ra kining nabayran sa superstar pinaagi sa iyang mga goal sa ika-38 ug ika-90 nga minuto aron selyohan ang dako nga kadaogan sa iyang nasod.