Opisyal nang naabot sa Pyongyang ang Chinese President nga si Xi Jinping diin mainiton kining giabiabi ni North Korean leader Kim Jong Un ug sa asawa niini nga si Ri Sol-ju.
Sa iyang unang pagbisita sa gawas sa nasud karong tuiga, gidayeg ni Xi ang lig-on ug “dili mapildi nga panaghigalaay” sa China ug North Korea.
Ang maong pagbisita nahitabo taliwala sa nagkahuyang nga negosasyon bahin sa nuclear program sa North Korea ug Estados Unidos.
Sumala sa mga tigpaniid, mas gipili karon sa Beijing ang pagpalig-on sa relasyon niini sa Pyongyang isip usa ka buffer state batok sa impluwensiya sa Amerika sa rehiyon, imbes nga pugson ang hingpit nga denuclearization.
Gipahayag usab ni Xi ang pasalig sa mas lawom nga kooperasyon ug pagpadayon sa ilang tradisyonal nga panaghigalaay taliwala sa kausaban sa sitwasyon sa kalibutan.Â