Managlahing lihok sa presyo sa lana masinati na karong adlawa

Gilauman nga mosaka og hangtod P2.90 matag litro ang presyo sa diesel, samtang posible usab nga moubos og P1.50 matag litro ang gasolina, ug lauman usab ang pagsaka og P4.70 sa presyo sa kerosene karong Martes, Hunyo 9, 2026.

Base sa Mean of Platts Singapore (MOPS) trading ug foreign exchange averages sa milabay nga upat ka adlaw, giingon sa usa ka tinubdan gikan sa oil industry nga ilang gilauman ang mosaka ug moubos nga presyo sa mga produktong petrolyo.

Gawas niini, posible usab nga luagan sa Department of Energy ang kasamtangang polisiya sa pagsaka ug pag-ubos sa presyo sa mga produktong petrolyo aron hatagan og mas dakong kagawasan ang mga oil company sa pagsunod sa kalit-kalit nga kausaban sa presyo sa lana sa kalibutanong merkado.